"Тілім менің -тірлігімнің айғағы" атты тақырыпта "Сатылай кешенді талдау" технологиясы бойынша мектепішілік олимпиада оқушылар арасында өткізілді.

"Мектептің  жаны - мұғалім. Мұғалім  қандай болса, мектеп сондай болмақшы. Яғни, мұғалім білімді болса, ол мектептен балалар көбірек білім алып шықпақшы... ",- деп Ахмет Байтұрсынұлы айтып кеткендей, 2023  жылдың 03 наурыз күні Әл-Фараби  атындағы /145 жббм  "Тілім менің -тірлігімнің айғағы" атты тақырыпта "Сатылай кешенді талдау" технологиясы бойынша мектепішілік олимпиада  оқушылар  арасында өткізілді. Іс-шараға қазақ тілі мен әдебиеті пәнінің мұғалімдері, оқушылар, ата-аналар және  "Сатылай кешенді талдау" технологиясының авторы, педагогика ғылымының докторы, профессор Оразахынова Нұрша Алжанбайқызы, сонымен қатар Наурызбай ауданындағы /174 мектеп-гимназиядан әріптестер қатысып, оқушылардың ана тіліндегі  білімдері жан-жақты шыңдалып, ауызша командалық олимпиадада өз білімдерімен сыналып, талдау жасады.  Мектеп директоры Таукенова Бейбіткүл Ясынқызы алғыр, білімді  шәкірттерімізді және пән  мұғалімдерін марапаттап, алғыс білдірді. "Сатылай кешенді оқыту" технологиясы - баланың жалпы тұлғалық дамуына, ойлау, есте сақтау, қиялдау сияқты басқа да танымдық қасиеттерінің жақсы үйлесімді дамуына бағытталған оқытудың түрі. Осы орайда мектебімізде өткізілген іс-шараға ұйытқы болған, ұстаздардың ұстазы- Нұрша Алжанбайқызына алғысымызды білдіреміз!