2020-2021 оқу жылындағы мектеп жетістіктері туралы

Әл-Фараби атындағы № 145 жалпы білім беретін мектептің 2020-2021   оқу жылындағы жетістіктері туралы

• Ең бірінші болып қуантқан мектебіміздің жаста болса қазақ тілі әдебиеті пәнінің мұғалімі  Табиев Айдостың аудандық «Үздік педагог» байқауынан I орынды жеңіп алуы.
• Орыс тілі пәнінен Жумаканова Светлана апайдың «Дарын» орталығының ұйымдастыруымен лингвистика бойынша өтіп жатқан олимпиададан жүлделі орын алып, қалаға жолдама алуы, және ол оқушы  Іңкәр 11.11.2020 ж күні қалалық олимпиадаға қатысты,нәтижесін күтіп отырмыз.
• Қыркүйек айында Сайлыбаева Б.М. оқушысы Республикалық «Жарқын болашақ» орталығының ұйымдастыруымен Республикалық «Жарық жұлдызы » атты балалар өнер байқауында «Көркем сөз» жанрынан I орын алды(Арғынбай Аружан).
• Қозыбақова Н., Тлеболдинова Н., Кіршібаева Р., Нұрғалиева С. апайлардың оқушылары қалалық, республикалық және қашықтықтан ұйымдастырылған байқауларға қатысып жүлделі орындарға ие болды.
• Қазан айында Ғабдолла Г. апайдың 11 сынып оқушысы Шыңғысбай Ақтоты аудандық «Жеті жұрттың тілін біл!» байқауының жүлдегері атанды.
• 05.11.2020 күні Республика ұстаздары үшін Нұр-Сұлтан қаласының уақытымен 15:00 де ZOOM платформасында  Болат ағаймен Сәуле апай «Дарынды оқушымен жұмыс» деген тақырыпта өз іс–тәжірбиелерін таратып ой бөлісті .
• 06.11.2020 ж. күні  ЦПМ ның ұйымдастыруымен «Жетекші мектеп –кәсіби қоғамдастық көшбасшысы» жетекші мектептердің аймақтық (Республикалық) онлайн форумы өтті. Негізінен форумда  Нұр-сұлтан, Алматы қалаларының спикерлері сөз алды. Оның ішінде Алматы қаласынан біздің мектептен екі бірдей қатысқан спикерлеріміз Сәуле Балғазиеванамен, Күлпан Алтаевналардың баяндамаларын тыңдап отырған сарапшылар өте жоғары бағалап, жүргізушінің өзі Сәуле Балғазиевнаны тоқтамай тыңдағың келеді деп сол жерде мақтап кетті.

 Үлкен Форумда екі бірдей тректі біздің мектептің ұстаздарының басқарып баяндама  арқылы іс-тәжірбие таратуларының өзі мектебімізді Республика бойынша паш етіп абыройымызды асқақтатты.

• 2020-2021 оқу жылының бірінші тоқсанына  арналған өзін-өзі тану пәнінен «Бейнесабақтар қашықтықтан оқыту жағдайында  Қазақстан Республикасының өзін-өзі тану» пед-ң  пайдалануы үшін дайындалған сабақтары үшін анықтамаға ие болды.Бөбек орталығының директоры бекіткен.
• Дарын орталығының  5-6 сыныптар арасында ұйымдастырған олимпиадасында мектеп ішілік сайыстан суырылып шыққан Қозыбақова, Сайлыбаева, Заманбекова, Қалиев, Шулғауовалардың оқушылары аудандық, қалалық олимпиадаларға  жолдама алып нәтижелері күтілуде.