Көңілді сәттер

“Балдәурен” жазғы лагерінің кезекті күні қызықты әрі көңілді өтуде! ☀️Күніміз дәстүр бойынша балаларды жылы қарсы алудан және сергітетін таңғы жаттығудан басталды. Әрбір бүлдіршін көтеріңкі көңіл-күймен лагердегі қызықты сәттерге белсене қатысты.

Бүгінгі күннің ерекшелігі – “Түрлі-түсті вечеринка” болды. Балалар өздері таңдаған түрлі түстегі тәттілерді алып келіп, табиғат аясында көңілді пикник ұйымдастырды. Әсем безендірілген дастарқан, тәттілер мен шат күлкі балаларға ерекше әсер сыйлады.

Осындай жарқын сәттер арқылы достық нығайып, жазғы демалыс күндері есте қаларлық естеліктерге толуда.